Iruḥ-d Mmi
. Mi id lliɣ ṭṭaq ssbaḥ
Tḍall-d tafat felli
Waleɣ ddunit tecbaḥ
Iban-d d ass lεalli
Waleɣ amdan ar webrid
Ar wuxam ad yettazal
Ar ɣur-i ad yessikid
Yebda ay id yessawal…
. Ar tewwurt i temmugreɣ
Geraɣt-id ger ifassen-iw
Ar tama-w i t-id zemḍeɣ
Farḥeɣ yeǧǧuǧeg wul-iw
S imeṭṭawen sɣarteɣ
Ass-a yarzad lfarḥ-iw
Mmi aεzizen cedheɣ
Farḥeɣ mi twalent wallen-iw
. Aṭas ay arǧiɣ ass-a
Sarameɣ qareɣ-as ad yass
Xas ma ẓarraɣt di tirga
Tasa-w i tebɣa ttafekka-s
Acaḥal ig cbaḥ wass-a
Yalwa yettu lahlak-is
S udemawen tezzi-d taḍsa
Temlal tasa d warraw-is
.Ssel i tezlitt dag-i.
Ay Azayri
D azayri ay lliɣ
Deg akal-is ay ddiɣ
Zgiɣ ass-a di lɣerba
Tamurt s deffir ay teqqim
S yess-i yiwen ur yaεlim
D tamurt-iw ay bɣiɣ
Fell-as ass-agi arɣiɣ
Leǧruḥ-iw ur d banen ara
S yess-i yiwen ur yaεlim
S yess-i yiwen ur yaεlim
D azayri iy ikaṛhen
Yiwen wakal iɣ-ijemεen
Ass-a nezga d iεdawen
D taḍṣan fell-aneɣ madden
D taḍṣan fell-aneɣ madden
Yalwa ijebbed ar tama-s
Yalwa yettεuzzu tara-s
Timura ttnadin-t tadukli
Si mal teddun-t ar zdat
Si mal ẓarren-t tafat
Kečč-i nni ay azayri
Acuɣar it kaṛheḍ gma-k
Teṭṭamaɛeḍ tilleli
Anda akken yenza wayla-k
Leǧnas bḍen s igenni
Nekni di taṛkunt ay nebrek
Narna-yas taduli
Wissen melmi aneslek
Wissen melmi aneslek
D azayri ay d luleɣ
ɣaf akal-is ay baɛdeɣ
Zgiɣ ass-a di lɣerba
Tebɛeɣ abrid n tmusni
Tebɛeɣ abrid n tmusni
Tamurt-iw dgi zedɣeɣ
Ass-agi fell-as rewleɣ
Imdukal-iw ttuɣten
Ttun-iyi ula d nutni
Ttun-iyi ula d nutni
Azayri ikṛah gma-s
Yebɣa ad yili axir-is
Yebɣa ad yettaḍṣa fell-as
D winna id ṛas lmal-is
D winna id ṛas lmal-is
Akka i tella tjaddit
Seg asmi tebda ddunit
Ger-neɣ ur telli talwit
Nettidir am yezgaren
Di teẓgi am iɣarsiwen
Kečč-i nni ay azayri
Acuɣar it kaṛheḍ gma-k
Teṭṭamaɛeḍ tilleli
Anda akken yenza wayla-k
Leǧnas bḍen s igenni
Nekni di taṛkunt ay nebrek
Narna-yas taduli
Wissen melmi aneslek
Wissen melmi aneslek
.Ssel i tezlitt dag-i.
Yelli
Ilul-d ass-a yetri
Ittreqriq ger igenwan
Semmaɣ-as “Ines” Tiziri
A yelli
Rbaḥ am ass-a ad yili
Mi d-ilul lxir deg uxxam
D taɛeqquct mi ay d-ttwali
A yelli
Ilul-d ass-a yetri
Am lfeṭṭa ireqqen
Semmaɣ-as “Ines” Tiziri
A yelli
Udem-is am ul deg laḥrir
A ttettwaliɣ di lemnam
Ssut-is d ssut n ṭṭir
A yelli
Menneɣ Rebbi ad ttidawi
Wa ad ttfak fell-nneɣ tisri
Ass-a, a yelli
D lmalayek iwumi tettcabi
Deg tafat ay d fruri
Aɣ d-grin wussan n lɛali
Menneɣ-am abrid asaɛdi
Tawwurt a tteldi
Ass-a, a yelli
Am ass-a am ṭfeɣ afus
Wayeḍ as-tnefk i yemma-m
As-narwel i zhar amenḥus
A yelli
Am ass-a ad nruḥ ɣer lebḥar
Ad nekcem ger lemwaji
Ad neččar ul-im d zhar
A yelli
.Wali le klip n tezlit. Dag-i.
Ǧǧiɣ tinna ay ḥemmleɣ
.Amzun d targit ay urgeɣ
Mi d-ukiɣ fellam baεdeɣ
Yurez-iyi lxiq ugadeɣ
Ugadeɣ ur kem ẓaṛṛeɣ
Ugadeɣ ay iɣur zzhaṛ
Felli ad yefk afus
Di sin ur nettemẓaṛ
Waḥdi ad mmtaɣ d amaḥbus
Ay ul-iw… Ay ul-iw…
Ǧǧiɣ tinna ay ḥemmleɣ
.Tawwurt n wul-iw mdeleɣ
Tissura-s ɣuṛem itent-ǧǧiɣ
Ay anect ibɣu ɛeṭṭeleɣ
Yiwen was ɣuṛem an zziɣ
Mbaεid wallaɣ tafat
Iban-iyi-d laxyal-im
Zzreɣ di cfayat
Mmekteɣ-d lewṣayef-im
Ay ul-iw… Ay ul-iw…
Ǧǧiɣ tinna ay ḥemmleɣ
.Ssel i tezlitt dag-i.
Tutlayt nneɣ
.Xas ma attḥebesem ṣṣut-iw
Mazal ! ad yeqqim yiles-iw
Iles tadyant attyaḥku
Xas ma attgezmem iles-iw
Mazal ! Ad yeqqim ufus-iw
Afus tikti attyaru
Xas ma attgezmem afus-iw
Mazal ! Ad yeqqim uḍaṛ-iw
Aḍaṛ abrid at yelḥu
Xas ma attgezmem aḍaṛ-iw
Mazal ! Ad yeqqim uẓaṛ-iw
Anza-s lebda ad yettsuɣu.
.Xas attcargem idlisen
Attemḥum ak iḍṛisen
Awal deg imi ad yeqqim
Xas ma aɣ-tekkesem allalen
Nesɛa allaɣen d iɣallen
(ɣa)f tutlayt-nneɣ anefk idim
Mazaleɣ nesɛa ifadden
Idammen nneɣ rekmen
Nbedd ass-a, mači neqqim
Mazal ttlalen-d yelmeẓyen
Yeṭṭfen deg ansayen
Tasuta, di tsuta tettlaqqim
.Xas tqelεem ak imɣan
Mazal qqimen-d iẓuṛan
Nella iḍelli, an ili ass-a
Amezruy nneɣ azedgan
Yedder d leqṛun iban
Seg asmi id bda talsa
Xas ma yebḍayeɣ zman
Idlisen fellaneɣ uran
Ar ass-a mazal tilisa
Tutlayt nneɣ ṭṭfen yezlan
Tedder, tedda d wussan
Fellas n ṛebba tasa
. Kkset tayri i yelmeẓyen
Taṛnu-m cna iy fennanen
Tenfum ak widen yeɣṛan
Arret ar lḥebs inaɣmasen
Tebrum-d iyemcumen,
Tɣezzem aẓekka iy zarfan
Imi iɣ id ttawḍem s ixammen
Mazal ad azlen idammen
Ad neffeɣ an suɣ deg ibardan
Attwalim s wallen nwen
Mara d-zzi s aqarruy nwen
Aken neqlaɛ seg iẓuṛan
. Xas tqelεem ak imɣan
Mazal qqimen-d iẓuṛan
Nella iḍelli, an ili ass-a
Amezruy nneɣ azedgan
Yedder d leqṛun iban
Seg asmi id bda talsa
Xas ma yebḍayeɣ zman
Idlisen fellaneɣ uran
Ar ass-a mazal tilisa
Tutlayt nneɣ ṭṭfen yezlan
Tedder, tedda d wussan
Fellas n ṛebba tasa
.Ssel i tezlitt dag-i.
Tiziri-w
. Tejarraḥ tasa-w tezza
tettwet teqqed tesnahtit
ulac aṭṭan ur ttenḥuza
yettas-ed di m-kul tallit
Yargel webrid i ttawiɣ
ṭṭamaεeɣ sendeɣ s-amenni
s imeṭṭi suɣeɣ ttεenniɣ
tebbeḍ teɣri-w s-igenni
.Ṛuḥeɣ wwḍeɣ armi d tafukt
Niɣ-as acḥal ttumarteɣ
tuzl-ed! Mi yidwala tagut
tɣummit aken ur tẓarreɣ
Ṛuḥeɣ ad ẓreɣ aggur
ur tufiɣ, ur ẓriɣ anda yerra ?
tedduɣ yekkat-iyi wugur
wwiɣ abrid s tmara
. Rziɣ ar lmektub a teẓreɣ
yugi yezzi-yid s waεrur
yennuɣ-iyi-d ur uḥtameɣ
yena-yid : « fukken lahdur
Yalwa d amek id as-yura
wa d tawaɣit, wa di lfaṛḥ ittεummu
qbel ddunit akken tella
ur ttcekti, ur yittlummu »
. Kreɣ nudeɣ ɣaf akud
Ufiɣ-t yaɣṣeb tikli
yenna-yid : « ma tesεiḍ afud
bedd di tizi akin wali
Nekk ur ttṛǧuɣ yiwen
s zik-iw ulac win aṛǧiɣ
d akussar neɣ d asawen
nekk-i nni warǧin aεyiɣ »
.Ɣaf yiri n lebḥaṛ qqimeɣ
ruɣ imeṭṭi di tsusmi
ṭṭlam yebda ad iselleɣ
tafukt tṛuḥ teǧǧ-ayi
Refdeɣ allen-iw s igenni
ttmuquleɣ cbaḥa n yetran
tluεa-yid tziri tenna-yi :
« barka-k imeṭṭawen d laḥzan »
. Yewweḍ-ed lefjer tlul-ed tṣebḥit
tḍall-ed tafat fell-i
walleɣ teǧǧuǧeg ddunit
lfaṛḥ yarz-ad ɣuri
Mgal-iw mi ttid zemḍeɣ
ukiɣ s wul-iw yelli
s idisan-is kra zedweɣ
ass-a! Ur s-ttεemmideɣ attaɣli
.Ssel iwsefru s taɣect n MESSAOUDENE Fahim, dag-i.
*Asefru « Tiziri-w » yura-t MESƐUDEN Fahim, yecna-t Aḥsen Bunser n tarbaɛt n YUFITREN.
(Le Texte Tiziri-w écrit par MESSAOUDENE Fahim et Chanter par Ahcène .B, du Groupe YUFITREN).
Imawlan
D kunwi iyi d-yefkan tudert
D kunwi iyi d-iṛebban
D kunwi iyi igan tazmert
S yiswen cebḥen wussan
Σawaz taɣzi n wwuḍan
Waḥdi staqsayeɣ iman-iw
Nejmaɣ-ken ay imawlan
Bɣiɣ attilim s idisan-iw
A bab-a cedhaɣ udem-ik
Cedhaɣ ad sselɣ i ṣṣut-ik
Ay teṭṭfeḍ gar ifassen-ik
Atteṭfeḍ afus-iw s ufus-ik
A yemma cedhaɣ udem-im
Cedhaɣ ad sselɣ i ṣṣut-im
Ad qimeɣ s idisan-im
Atteṭfeɣ afus-iw s ufus-im
Yettaččaṛ yeẓṛ-iw d imeṭṭi
M-kul m-ara ken id mektiɣ
Lxiq d lwaḥc yezzi-yi
Gerawen menneɣ ad iliɣ
Menneɣ awi qlen d tafukt
An ttasseɣ yal taṣebḥit
Yallas ad ttzuṛuɣ tamurt
Aken ẓẓaṛṛeɣ di yal tallit
*Asefru « Imawlan » yura-t MESƐUDEN Fahim Ak d Aḥsen Bunser, yecna-t Aḥsen Bunser n tarbaɛt n YUFITREN.
(Le Texte « Imawlan » écrit par MESSAOUDENE Fahim et Ahcène .B, et Chanter par Ahcène .B, du Groupe YUFITREN).